Debati për anëtarët e Gjykatës së Lartë, Bejleri dhe Ibrahimi për kandidatët - (22 Qershor 2008)
· 05.04.2024 · 03:00:23 ··· ··· Friday ·· 5 (5)
RTV KLAN Lajme arkiva 2008
Partitë politike nuk do të ftohen në asnjë rast të japin mendim për emra konkret kandidatësh për anëtarë të Gjykatës së Lartë. Manjola Bejleri, një prej 9 emrave të përzgjedhur nga Presidenti i Republikës në grupin konsultativ, thotë se në seancën me grupet kuvendore do të flitet vetëm për kritere.
Manjola Bejleri: “Do të shkëmbejmë mendime dhe sugjerime dhe opinione lidhur me standardet, lidhur me kriteret që duhet të plotësojnë kandidaturat për në Gjykatën e Lartë. Nuk do të vendosim dhe nuk do të përcaktojmë emra. Thashë dhe njëherë kjo është kompetencë vetëm e Presidentit të Republikës në bazë të kushtetutës. Ne si grup pune mendoj se nuk kemi të bëjmë me debatin politik, apo nxehjes së këtij debati e të tjera. Ne besojmë se do ta ndihmojmë këtë debat politik me kriteret që do të përzgjedhim për kandidatët e Gjykatës së Lartë”.
Të paktën 61 emra janë paraqitur deri tani si kandidat të mundshëm për Gjykatën e Lartë, një proces që është parashikuar të mbyllet deri ditën e martë që vjen. Burime të presidencës bëjnë të ditur se mund të ofrohen si kandidatë të gjithë emrat e paraqitur që në konkurrimin e parë përveç 5 emrave të rrëzuar nga Kuvendi.
Por sipas juristit të njohur Genti Ibrahimi. Pamundësia e kandidatëve të rrëzuar për të rikonkuruar vihet në pikëpyetje, në kushtet kur mazhoranca ka bërë të ditur se nuk ka votuar emrat por principin.
Genti Ibrahimi: “Një pyetje që mund të shtrohet është nëse mund të jenë po këto kandidatura për sa kohë që formalisht parlamenti arsyetojë se po i rrëzonte kandidaturat për shkak të mungesës së konsultimeve dhe jo për shkak të cilësive individuale të kandidatëve. Teorikisht është e mundur që Presidentit të kryej një proces konsultimesh dhe të arrij në po ato përfundime që po këta të 5 janë kandidatët më të mirë të mundshëm, megjithatë unë besoj se kjo është politikisht e pamundur, sepse në këto nivele konsiderata politike dhe atë juridike ngërthehen me njëra-tjetrën”.
90 ditë Grupi i Punës do të përcaktojë qartë standardet për përzgjedhje e kandidaturave. Kriteri më i fortë që buron dhe nga ligji për Gjykatën e Lartë, është se kandidati duhet të ketë punuar të paktën 10 vite gjyqtarë, apo 15 vite si jurist i shquar. Pas këtij momenti presidentit do të përzgjedh emrat për të cilët më pas do të kërkojë dhe pëlqimin e Kuvendit./tvklan.al
Gazetare: Menada Zaimi
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/
· 01.01.1970 · 01:00:00 ···
0**##
· 01.01.1970 · 01:00:00 ···
# · 01.01.1970 · 01:00:00 ···
* · 01.01.1970 · 01:00:00 ···
* · 01.01.1970 · 01:00:00 ···
********
